Rossiyaning Domodedovo aeroportida O‘zbekiston fuqarosidan 15 ta maymun musodara qilindi

Moskvaning Domodedovo aeroportida bojxona xodimlari O‘zbekiston fuqarosidan 15 ta maymun bolasini musodara qildi, deb yozadi “Gazeta.ru”.

Aniqlik kiritilishicha, jonivorlar Vyetnamdan yetib kelgan ayolning yuklarini bojxona nazoratidan o‘tkazish vaqtida topilgan. Ayol maymunlarni o‘z tanishining iltimosi bilan olib kelganini, tanishi uni kutib olishi kerak bo‘lganini aytdi.

Hayvonlarni Moskva tabiatdan foydalanish va atrof-muhitni muhofaza qilish departamentining yovvoyi hayvonlarni saqlash markaziga olib ketishdi. Ular hozircha karantinda saqlanishi ma’lum qilindi.