» » O‘zbekiston delegatsiyasi 72-Kann xalqaro kinofestivaliga yo‘l oladi

O‘zbekiston delegatsiyasi 72-Kann xalqaro kinofestivaliga yo‘l oladi


O‘zbekiston yoshlar ittifoqi, Kinematografiyani rivojlantirish markazi hamda Yosh kinoijodkorlar kengashi tomonidan joriy yil 14—25-may kunlari 72-Kann xalqaro kinofestivali doirasida ikkinchi bor “O‘zbekiston milliy paviloni” tashkil qilinadi. Bu haqda “Daryo”ga Yoshlar media markazi ma’lum qildi.

Festival oldidan Kinematografiyani rivojlantirish markazida matbuot anjumani bo‘lib o‘tdi. Unda mutasaddilar O‘zbekistonning xalqaro festivalda ishtirokining ahamiyati hamda kelgusida erishilishi kutilayotgan yutuqlar haqida fikr bildirildi.

Shuningdek, Pavilon qatnashchilari “PROlogue V” xalqaro kinofestivalining taqdimotini o‘tkazish va unga xorijlik kinoijodkorlarni taklif etish, chet el kinokompaniyalarini O‘zbekistonda filmlar suratga olish uchun jalb qilishni rejalashtirganini ta’kidladi. Mahalliy kinematografiya vakillari ishtirokida qo‘shma kinoloyihalar yaratish hamda O‘zbekistonda kinoturizm sohasini rivojlantirishga qaratilgan muzokaralar olib borilishi haqida atroflicha ma’lumot berildi.

—Xalqaro Kann kinofestivali kino bo‘yicha eng nufuzli festivallardan hisoblanib, undagi kinobozorda har bir mamlakat o‘z pavilonini tashkil etib, sohadagi salohiyatini namoyish etadi. Festival O‘zbekistonga kinoturizm salohiyatini namoyish etish va uni film olish uchun qulay va optimal lokatsiya sifatida targ‘ib qilish hamda taniqli kinokompaniyalarni filmlarini suratga olish uchun taklif qilish imkoniyatini yaratadi, – deydi Kinematografiyani rivojlantirish markazi direktori Oybek Abdushukurov.

O‘zbekiston milliy paviloni Yoshlar ittifoqi, Turizmni rivojlantirish qo‘mitasi, Kinematografiyani rivojlantirish markazi, O‘zbekiston milliy kinokomissiyasi hamda O‘zbekistonning Fransiyadagi elchixonasi hamkorligida tashkil qilinmoqda.



Manba: Daryo.uz
Опубликовано: admin (11-05-2019, 15:44)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 41) ( 0) ( 39) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют