Rossiyada chiptachi ish kunini barbod qilish maqsadida soxta portlovchi qurilma yasadi

Rossiyaning Chita shahrida politsiya tergovchilari terrorchilik sodir etilishi haqida yolg‘on xabar tarqatgan trolleybus сhiptachisiga nisbatan ochilgan jinoiy ishni sudga oshirdi. Bu haqda “RIA Novosti” xabar berdi.

Ma’lum bo‘lishicha, 2018-yilning noyabr oyida jamoat transporti shoh bekatidagi trolleybus salonida egasiz quti topilgan. Voqea joyiga yetib kelgan huquq-tartibot organlari uni tekshirib, hech qanday xavf tug‘dirmasligini aniqlagan.

“Dastlabki tergov davomida ayblanuvchi — trolleybus chiptachisi o‘z ish kunini barbod qilish maqsadida avvaldan portlovchi qurilmaning soxta nusxasini yasab, trolleybus salonida qoldirgani aniqlangan”, — deyiladi xabarda.