Shveysariyaning Schindler kompaniyasi Toshkentda lift-eskalator zavodini ochmoqchi

Toshkent shahar hokimligida Shveysariyaning Schindler kompaniyasi vakillari bilan uchrashuv bo‘lib o‘tdi. Bu haqda hokimlik matbuot xizmati xabar bermoqda.

Schindler dunyoda eskalator, lift va travalatorlarni ishlab chiqaruvchi yetakchi kompaniyalardan hisoblanadi.

Hozirgacha mamlakat va poytaxtda qurilgan muhtasham inshootlarning bir nechasi mazkur kompaniyaning zamonaviy texnika va texnologiyalari bilan jihozlangan. Xorijiy hamkorlar yuqori sifatli va xavfsiz lift hamda eskalatorlarni yetkazib berish vazifasini to‘laqonli ado etayotgani bilan Toshkentning o‘zida shunday ishlab chiqarish korxonasini tashkil etish muhim.

O‘zaro muloqot davomida Toshkent shahar hokimining o‘rinbosari Baxtiyor Rahmonqulov poytaxtda qurilishlar hajmi ortayotgani, bunda zamonaviy va ko‘p qavatli binolarning ulushi ham ko‘p ekanligini qayd etdi.