Vashingtonda o‘tgan konfessiyalararo iftorda ilk marta O‘zbekiston muftiysi ishtirok etdi

Vashingtonda konfessiyalararo iftor bo‘lib o‘tdi, unda O‘zbekiston-AQSh munosabatlari tarixida ilk bor O‘zbekiston muftiysi ishtirok etdi. Bu haqda “Podrobno.uz” xabar berdi.

Iftorlik Ronald Reygan administratsyasi huzuridagi Jorj Shuls nomidagi grand-xollda bo‘lib o‘tdi.

Iftorda AQSh davlat departamenti va kongressi vakillari, ijtimoiy-siyosiy arboblar, bir qator musulmon davlatlarining diplomatik missiyalari rahbarlari, Islomiy ilohiyotshunoslar va musulmon jamoalari rahbarlari, katolik va pravoslav cherkovlari, ibodatxonalar va boshqa konfessiyalar vakillari ishtirok etdi.