Tramp “Rossiya ishi”ni butunlay oshkor etishga qaror qildi

AQSh prezidenti Donald Tramp bosh prokuror Uilyam Barrga AQShda 2016-yilda bo‘lib o‘tgan saylovlarga Rossiyaning aralashgani taxmin qilingan ish bo‘yicha barcha ma’lumotlarni oshkor qilishga ruxsat berdi. “Gazeta.ru”ning xabar berishicha, bu haqda Oq uy matbuot kotibi Sara Sanders Twitter’da ma’lum qilgan.

Ko‘rsatmada, shuningdek, Trampning 2016-yilgi saylovoldi ofisini tekshirish ishlariga amerikalik razvedka organlari ham jalb etilishi aytilgan.

Hujjatda ta’kidlanishicha, bu AQSh aholisiga “Rossiya ishi”ga oid barcha “haqiqatlar”, shunigdek uni tekshirish uchun olib borilgan harakatlar to‘g‘risida ma’lumot berishga qaratilgan.