Toshkent shahar soliq organlari xodimlarining 25 foizi attestatsiyadan o‘tolmadi

Davlat soliq qo‘mitasida Toshkent shahar soliq organlari xodimlarini attestatsiyadan o‘tkazish yakunlandi. Bu haqda qo‘mita matbuot xizmati xabar bermoqda.

Attestatsiya yakunlari bo‘yicha poytaxtdagi davlat soliq xizmati organlarining 1100 xodimidan 43 foizi attestatsiyadan muvaffaqiyatli o‘tdi, 32 foizi shartli ravishda tasdiqlandi, 25 foizi esa o‘z bilimlarini tasdiqlay olmadi.

“Avval xabar berilganidek, bo‘shagan lavozimlarga ochiq tanlov o‘tkazish yo‘li bilan yangi xodimlar qabul qilinadi”, — deyiladi xabarda.