Donald Tramp birinchi bor davlat tashrifi bilan Buyuk Britaniyaga boradi

Bugun, 3-iyun kuni AQSh prezidenti Donald Tramp birinchi bor Buyuk Britaniyaga davlat tashrifini amalga oshiradi, deb xabar berdi “Exo.Moskvi”.

AQSh prezidentining qirolicha Yelizaveta II hamda mamlakat bosh vaziri Tereza Mey bilan uchrashishi kutilmoqda. Mazkur tashrif Normandiyaga ittifoq qo‘shinlari kiritilganligining 75 yilligi munosabati bilan amalga oshirilmoqda.

Britaniyaning o‘zida Donald Trampning tashrifiga qarshi norozilik aksiyasi o‘tkaziladi.

The Sunday Times gazetasining yozishicha, London ko‘chalariga ikki yuz ellik ming odam chiqishi mumkin. Shu sababli Amerika prezidenti qirolicha bilan birgalikda usti ochiq ekipajda Bukingem saroyini sayr qila olmaydi.