Bundesligada mavsumning eng yaxshilari aniqlandi

“Borussiya Dortmund”ning ikki nafar futbolchisi Bundesligada mavsumning eng yaxshi o‘yinchilari deya e’tirof etildi. Bu haqda klubning Twitter’dagi rasmiy sahifasida xabar berildi.

Dortmundning “Borussiya” klubi hujumchisi Marko Roys eng yaxshi o‘yinchi, Jeydon Sancho esa eng yosh o‘yinchi nomiga sazovor bo‘ldi.

G‘oliblar milliy chempionat futbolchilari orasida ovoz berish yo‘li orqali aniqlandi. 30 yoshli germaniyalik 31,4 foiz ovoz to‘plagan bo‘lsa, 19 yoshli Sancho 51 foiz ovozga ega bo‘ldi.

Eslatib o‘tamiz, Roys 2018/19-yilgi mavsum Germaniya chempionatida 27 uchrashuv o‘tkazib, 17 ta gol urgan bo‘lsa, Sancho hisobida 34 ta o‘yinda 12 ta gol mavjud.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!