O‘zbekistonda “101-reys” filmini suratga olish ishlari yakunlandi

Rejissor Akrom Shohnazarov tomonidan real voqeaga asoslangan “101-reys” badiiy filmining suratga olish jarayonlari tugadi. Bu haqda My Day xabar qiladi.

Mazkur filmda 2001-yil AQShning Nyu-York shahrida sodir etilgan terrorchilik harakati oqibatida Shimoliy Amerika havo hududida qiyin vaziyatda qolgan – bortida 180 nafar yo‘lovchi bo‘lgan “O‘zbekiston havo yo‘llari” aviakompaniyasiga qarashli Boing-757 samolyotining 101-reys ekipaji ko‘rsatgan jasorat haqida hikoya qilinadi.

Filmda aktyorlardan Hoshim Arslonov, Umid Iskandarov, Samiddin Lutfullayevlar bilan bir qatorda taniqli aktrisalar Lola Eltoyeva, Bahora Arslonova, Nigina Anorboyevalar, shuningdek, yosh, havaskor aktyorlar ham suratga tushgan.