Qashqadaryoda 24 nafar bolaga sunnat to‘yi o‘tkazildi

Qashqadaryo viloyatining Kitob tumanida kam ta’minlangan oilalardan bo‘lgan 24 nafar bolaga sunnat to‘yi o‘tkazildi.

Madaniyat vazirligi matbuot xizmatining xabar berishicha, tadbir tumandagi “Versal” to‘yxonasida o‘tkazilgan bo‘lib, unda 350 nafar ota-onalar, bolalar va mehmonlar ishtirok etgan.

Tuman hokimi o‘rinbosari O.Sharopov to‘yda yig‘ilgan barcha ota-onalar, bolalar va mehmonlarni tabriklagan. To‘yda bolalar uchun tuman Yoshlar Ittifoqi tomonidan sovg‘alar berilgan.