O‘zbekistonda xalqaro kongress va ko‘rgazma tadbirlarni o‘tkazuvchi davlat korxonasi tashkil etildi

O‘zbekiston Prezidenti Shavkat Mirziyoyev kongress-ko‘rgazma tadbirlarini davlatlararo, hukumatlararo va idoralararo darajalarda tashkil etish va o‘tkazish tizimini takomillashtirish nazarda tutuvchi qarorni imzoladi, deya xabar bermoqda Adliya vazirligi.

Qaror bilan, Delta City xalqaro yuqori texnologiyali innovatsion markazi huzurida yangi ob’ektlarni qurish va ulardan foydalanish direksiyasi negizida InterForum davlat unitar korxonasi tashkil etilgan.

InterForum keyinchalik Investitsiyalar va tashqi savdo vazirligiga o‘tkaziladi va uning ta’sischiligida mehmonxona xizmatini ko‘rsatuvchi InterHotel kompaniyasi tashkil etiladi.

InterForum’ning asosiy vazifasi xalqaro kongress-ko‘rgazma tadbirlarni o‘tkazish hisoblanadi.