» » Samarqand shahri hokimi va prokurori aholidan nega kechirim soramadi?

Samarqand shahri hokimi va prokurori aholidan nega kechirim soramadi?


Mahalla gazetasida jurnalist Yormamat Rustamovning Samarqand shahri hokimi va prokurori aholidan nega kechirim soramadi? sarlavhali maqolasi chop etildi, deb yozadi Ishonch.uz. Quyida maqola toliqligicha etiboringizga havola etiladi.

Bir vaqtlar Hujum fabrikasiga tegishli bolgan, Samarqand shahrining Fidoyilar mahallasi hududida joylashgan ikkita 2 qavatli yotoqxona binosidan bugungi kunda aholi turarjoy sifatida foydalanib kelyapti. Bundan roppa-rosa 92 yil muqaddam barpo etilgan 41 xonadonli uylarda 58 ta oila yoki 200 nafardan ziyod odam istiqomat qiladi.

Qachongacha yolgon hisobotlar bilan yashaymiz?

Shundogam umrini yashab, yaroqsiz holga kelib qolgan binolarda na tabiiy gaz va na ichimlik suvi bor. Odamlar shu atrofda qurilgan birgina hojatxonadan foydalanadi. Binolar avariya holatida bolganidan tashqari, hudud ham sanitariya talablariga javob bermaydi.

Ozing uchun ol yetim, degan naqlga amal qilib yashayapmiz, deydi Oygul Ganiyeva. Oltmishga yaqin oila hovlidagi bitta krandan suv tashib ichamiz. Ovqatni otin yoqib pishiramiz. Salgina shamol essa, elektr ham ochib qoladi. Ikki xonali xonadonlarda ayrim qoshnilar 10-12 kishi bolib yashayapti. Buning ustiga, aksariyatining tomidan chakka otadi. Mazkur muammolar yuzasidan kop joylarga murojaat qildik. Hech kim arz-dodimizga quloq solmadi.

Suhbatdoshimizning takidlashicha, mazkur hudud shahar prokurori sektoriga qarashli bolib, sektor boshligi haligacha biror marta bu yerga qadam bosmagan ekan. Xullas, mazkur uylardagi ahvol juda ogir.

Yaqinda bu yerdagi holatni, odamlarning yashash sharoitini oz kozi bilan korgan viloyat hokimi Erkinjon Turdimov aholi muammolariga panja orasidan qaragan shahar hokimligi hamda sektor rahbarlari nomidan aholidan uzr soradi. Viloyatning birinchi rahbari sifatida bu yerdagi noxushliklardan bexabar qolgani, ayrim mutasaddilarning loqaydligi, befarqligi shu darajaga olib kelganini bayon qildi.

Iqrorlik bu mardlik. Ammo shu hududga masul bolgan sektor rahbari, shahar prokurori, shahar hokimligi mutasaddilari nega aholidan kechirim sorashmadi? Axir, aynan ular emasmidi, joylarda sayyor qabullar tashkil etib, uyma-uy, xonadonma-xonadon yurib, xalqning dardini eshityapmiz, muammolarni aniqlab, ularni toliq bartaraf etyapmiz, deya yuqori idoralarga varaq-varaq hisobotlarni taqdim etayotgan? Demak, mazkur hisobotlardagi ayrim raqamlar yolgon ekan-da! Agarda ular rost bolganida Fidoyilar mahallasidagi muammolar yechim topgan bolmasmidi?!

Kamchiliklar qanday bartaraf etiladi?

Bugun viloyat hokimining Fidoyilar mahalla fuqarolar yigini aholisi uchun qulay shart-sharoitlar yaratib berish boyicha zarur barcha choralarni koraman, degan vadasi bajarilmoqda.

Samarqand shahar tibbiyot birlashmasi davolash profilaktika muassasalarining malakali mutaxassislari tomonidan ikki kun ichida shu yiginning 1 ming 123 nafar fuqarosi tibbiy korikdan otkazildi. 35 nafar bolaga tugilganlik haqidagi guvohnoma olish uchun tibbiy malumotnoma berildi. Kochma rentgen apparati yordamida 236 ta tekshiruv otkazilib, aholiga tegishli amaliy yordam korsatildi.

Organishlar davomida mazkur mahalladagi 32 ta oila hozirgacha qonuniy nikohdan otmay yashab kelayotgani, 80 nafar bolaning esa tugilganlik togrisidagi guvohnomasi yoqligi, ikki nafar fuqaro Mustaqilligimizning 28 yilligi yaqinlashgan bir paytda haligacha sobiq ittifoq pasporti bilan yashab yurgani aniqlandi.

Ayni paytda mutlaqo yaroqsiz holdagi mazkur ikki qavatli uylarda yashovchilar vaqtincha boshqa ijara xonadonlarga kochirilib, ularni buzish ishlari boshlab yuborildi. Xayriyatki, ularning ijara pullarini tolab berishni shahar hokimligi oz zimmasiga olibdi. Malumotlarga qaraganda, endi bu hududda yangi turarjoylar qad kotaradi va odamlar tez orada bu uylarga kochib kiradilar.

Xuddi shunga oxshash holat bugun viloyatning boshqa bir tumani yoki shahrida uchramaydi, deb hech kim kafolat berolmaydi. Shu bois joylardagi hokimliklar, sektor rahbarlari, tegishli korxona va tashkilotlar mutasaddilari, mahalla oqsoqollari uyma-uy yurib, aholi muammolarini organishi, ularga yechim izlashda, kamchiliklarni tahlil etishda kozboyamachilikka yol qoymasdan ishlasalar, maqsadga muvofiq bolardi.



Manba: Daryo.uz
: admin (12-06-2019, 16:14)
0 (: 0)
. !

!


vote-icon
?

?
( 30) ( 0) ( 28) ( 2)
:
-
:
20 ... -