“Manchester Yunayted” PSJ taklifini rad etdi

PSJ “Manchester Yunayted” yarim himoyachisi Pol Pogbaga qiziqish bildirmoqda.

Independent’ning bergan xabariga ko‘ra, parijliklar “mankunianlar”ga 26 yoshli fransuz bilan hujumchi Neymarni almashtirish taklifini bergan.

Ma’lum bo‘lishicha, “Yunayted” braziliyalikning yuqori maosh olishi sabab (haftasiga 900 ming funt atrofida) taklifni rad etdi. “Qizil iblislar” vitse-prezidenti Ed Vudvord Pogbani jamoada olib qolishni xohlamoqda.

Avvalroq “Real” Pogbaga qiziqish bildirayotgani hamda Neymar “Barselona”ga o‘tishni rejalashtirayotgani haqida xabar berilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!