Rossiya xalq artisti Oleg Gazmanov Toshkentda qon kasalligidan aziyat chekayotgan bolalarga xayriya yordamini ko‘rsatdi

Rossiya xalq artisti Oleg Gazmanov Toshkentdagi Gematologiya va qon quyish ilmiy-tadqiqot institutida davolanayotgan og‘ir ahvoldagi bolalarga xayriya yordamini ko‘rsatdi, deb xabar beradi “NUZ.uz”.

“Ikki yarim yil ichida aplastik anemiya bilan og‘rigan 45 nafar bemorni aniqladik. Bugungi kunda kasallikka qarshi vositalar qimmat bo‘lishiga qaramay, bolalarning deyarli har biri zaruriy dori-darmonlar bilan ta’minlangan. Bunda bemorlarni kasallik bilan yuzma-yuz qoldirmasdan xayriya qilayotgan insonlarning xizmati katta”, — deydi institut bolalar bo‘limi direktori Nazokat Aripova.

Shunindek, Nazokat Aripovaning ma’lum qilishicha, qo‘shiqchi tomonidan taqdim etilgan mablag‘lar qonning og‘ir turi bilan azoblanayotgan ikki nafar bolaga dori-darmon olish uchun sarflangan.