O‘zbekistonda go‘sht importi QQSdan ozod etildi

O‘zbekistonda go‘sht importi 2019-yilning oktabr oyigacha qo‘shilgan qiymat solig‘idan ozod etildi. Bu haqda Adliya vazirligining “Huquqiy axborot” Telegram-kanali xabar berdi.

Qayd etilishicha, hukumat qarori (591-son, 16.07.2019 y.) bilan O‘zbekistonda ishlab chiqariladigan realizatsiya qilish oborotlari qo‘shilgan qiymat solig‘idan ozod etiladigan oziq-ovqat mahsulotlari ro‘yxatiga o‘zgartirish va qo‘shimchalar kiritildi.

Kiritilgan o‘zgartirishlarga muvofiq, 2019-yil 1-oktabrgacha bo‘lgan muddatda import qilingan go‘sht (mol, qo‘y, tovuq), shuningdek tirik hayvonlar (qoramol va parranda) hamda ularning so‘yilgan mahsulotlari ham qo‘shilgan qiymat solig‘idan ozod qilindi.