“Manchester Yunayted” 80 mln funtga himoyachi sotib oladi

“Lester” himoyachisi Harri Maguayr “Manchester Yunayted”ga o‘tishga yaqin turibdi.

Bleacher Report’ning xabar berishicha, “mankunianlar” 26 yoshli futbolchi transferi borasida “tulkilar” bilan kelishuvga erishgan. Manchesterliklar angliyalik himoyachi uchun 80 million funt to‘laydigan bo‘ldi.

Avvalroq Maguayr “Lester” rahbariyatiga klubdan ketish istagi borligini ma’lum qilgandi. Uning amaldagi shartnomasi 2023-yilgacha amal qiladi.

Ma’lumot uchun, Harri Maguayr ortda qolgan mavsum Premyer ligada 31 ta uchrashuvda maydonga tushib, 3 ta gol urishga muvaffaq bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!