BMT maxsus vakili Rossiya, Turkiya va Eronni Suriya bo‘yicha shoshilinch choralar ko‘rishga chaqirdi

BMTning Suriya bo‘yicha maxsus vakili Staffan de Mistura mamlakatda jangovar harakatlar jonlanganidan xavotir bildirib, Rossiya, Turkiya va Eronga maktublar yo‘lladi. Bu haqda maxsus vakil idorasi ma’lum qildi, deya xabar beradi “Gazeta.ru”.

“Staffan de Mistura Damashq, Xama va umuman Suriyada jangovar harakatlar avj olganidan chuqur xavotirda. Shu bois mamlakatdagi sulh kafolati bo‘lgan Rossiya, Turkiya va Eron tashqi ishlar vazirliklariga maktub yo‘lladi”, — deyiladi idora tomonidan tarqatilgan bayonotda.

Xalqaro tashkilot maxsus vakili o‘z maktublarida mazkur davlatlarni o‘t ochmaslik tartibiga rioya etish bo‘yicha shoshilinch choralar ko‘rishga chaqirdi. “Daryo”ning Telegram’dagi rasmiy kanali — @toshqindaryo’ga a’zo bo‘ling!