To‘rtko‘lda darvozasi ochiq qolgan uydan 8 mln so‘m o‘g‘irlagan shaxs ushlandi

31-iyul kuni soat 02:00 larda noma’lum shaxs Qoraqalpog‘istonning To‘rtko‘l tumanida yashovchi25 yoshli G.M. ismli ayolning uyiga ochiq qolgan darvozasi orqali kirib, 8 million so‘m pullarini o‘g‘irlab ketgan.

“Holat yuzasidan jinoyat ishi qo‘zg‘atilgan”, — deyiladi O‘zbekiston IIV Jamoatchilik va OAV bilan aloqalar boshqarmasi axborotida.

Qayd etishlaricha, ko‘rilgan choralar natijasida ushbu jinoyatni To‘rtko‘l tumani Abay ko‘chasida yashovchi 42 yoshli U.A. sodir etganligi aniqlanib, ushlangan. Tergov harakatlari davom etmoqda.