Yaponiya BMTning yadroga qarshi konvensiyasi bo‘yicha muzokaralarda qatnashishdan bosh tortdi

Yaponiya BMTning bosh qarorgohida boshlangan yadro qurolini taqiqlash va to‘liq yo‘q qilish haqidagi konvensiya bo‘yicha muzokaralarda qatnashmaydi. Bu haqda Nyu-Yorkda Yaponiyaning qurolsizlanish bo‘yicha maxsus elchisi Nobusige Takamidzava aytib o‘tdi, deb yozadi “TASS”.

“Hozirgi vaziyatni hisobga olganda, Yaponiya uchun muhokamada konstruktiv ishtirok etish qiyin bo‘lgan bo‘lardi. Shu bilan birga, samarali choralar qabul qilinishi, va ushbu jarayonga bunday qurolga ega mamlakatlar ham, yadrosiz davlatlar ham jalb qilinishi juda muhim”, — dedi u.

Avvalroq AQShning BMTdagi doimiy vakili Nikki Xeyli ayni damda yadro qurolidan voz kechib bo‘lmasligini aytgan edi.