38 yoshli Aduris Lionel Messining rekordini takrorladi

Ispaniya La Ligasining 2019/20-yilgi mavsumi ilk turidan o‘rin olgan “Atletik B”—“Barselona” uchrashuvida mezbonlar hujumchisi Arits Aduris zaxiradan o‘yinga qo‘shilib, jamoasiga g‘alaba keltirgan golga muallilfik qildi.

Bu 38 yoshli Aduris uchun La Liganing ketma-ket 15-mavsumida urilgan gol bo‘ldi. Shu tariqa Arits Lionel Messining rekordini takrorladi. Messi ham bunga qadar 15 ta mavsumda gol urishning uddasidan chiqqandi.

Qayd etish joiz, Messi jarohat sabab “Atletik”ka qarshi o‘yinni o‘tkazib yubordi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!