Toshkentdagi 50 ga yaqin mahallada birorta ham kam ta’minlangan oila yo‘q

Toshkent shahar hokimligida O‘zbekiston Prezidentining 3-fevraldagi “Mahalla institutini yanada takomillashtirish chora-tadbirlari tog‘risida”gi farmoni ijrosi yuzasidan matbuot anjumani bo‘lib o‘tdi.

Unda ma’lum qilinishicha, shahardagi 50 ga yaqin mahallada birorta ham oilaga kam ta’minlanganlik uchun moddiy yordam va ikki yoshgacha va 14 yoshgacha bo‘lgan farzandlar uchun nafaqa puli to‘lanmaydi.

Qayd etishlaricha, mazkur mahallalarda yashovchi oilalarning daromadlari yetarli ekanligi va mahallalarda kasanachilik va tadbirkorlikning boshqa ko‘rinishlari yaxshi yo‘lga qo‘yilganligi ushbu natijaga erishishga imkon bergan.

O‘zbekiston “Mahalla” xayriya jamoat fondi Toshkent shahar bo‘limi tomonidan ma’lum qilinishicha, Toshkent shahrida 1200 ga yaqin oilaga moddiy yordam va nafaqa puli to‘lanadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!