Baxtiyor Rahmonov Sergeli tumani hokimi etib tayinlandi

Toshkentning Sergeli tumaniga yangi hokim tayinlandi. Bu haqda shahar hokimligi saytida axborot berilgan.

Shu kungacha Toshkent shahar hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimida ishlab kelgan Baxtiyor Rahmonov Sergeli tumani hokimi etib tayinlangan.

U mazkur lavozimda Furqat Maqsudxo‘jayevni almashtirgan.

Avvalroq Toshkent shahrining Yunusobod, Chilonzor va Yashnobod tumanlariga yangi hokimlar tayinlangani haqida xabar berilgan edi.

Mavzuga doir: Intizomsiz rahbarlarga yangicha jazo (yoki ishonchni oqlash uchun yana bir imkoniyat)

“Daryo”ning Telegram’dagi rasmiy kanali — @toshqindaryo’ga a’zo bo‘ling!