Samsung vitse-prezidenti besh yilga qamaldi

25-avgust kuni Seul okrug sudi Janubiy Koreyaning Samsung konserni rahbari Li Chje Yonni besh yillik qamoq jazosiga hukm qildi. Bu haqda “Korrespondent.net” xabar bermoqda.

Samsung Electronics’ning 49 yoshli vitse-prezidenti pora berishda, ishonchni suiiste’mol qilishda va boshqa jinoyatlarda aybdor deb topildi.

Samsung konserni merosxo‘ri hisoblanuvchi Li Chje Yon ustidan olib borilgan sud Janubiy Koreyaning sobiq prezidenti Pak Kin Xening yaqin dugonasi Chxve Sun Silga qarshi ochilgan ish doirasida o‘tkazildi.

Ayblovga ko‘ra, Chxve Sun Sil boshchiligidagi tashkilotlarga katta miqdorda pul to‘lab borgan. Buning evaziga konsernga ikkita shu’ba korxonasining birlashuvida siyosiy ko‘mak berilgan.

“Daryo” yangiliklarini “Odnoklassniki”da kuzatib boring