Londonda “Shivirlovchi galereya” maydonchasidan yiqilgan sayyoh ayol vafot etdi

Londondagi Muqaddas Pavel cherkovida sodir bo‘lgan baxtsiz hodisa oqibatida sayyoh ayol vafot etdi, deb xabar beradi “Gazeta.ru”.

Qayd etilishicha, sayyoh ayol cherkov gumbazining ostida joylashgan “Shivirlovchi galereya” maydonchasidan yiqilib tushgan. Galereya 30 metr balandlikda joylashgan.

Politsiya xodimlari ayolning atayin pastga itarib yuborilganini ko‘rsatuvchi belgilarni topmagan.

Baxtsiz hodisadan so‘ng Muqaddas Pavel cherkovi yopib qo‘yilgan.

“Daryo” yangiliklarini Facebook’da kuzatib boring