Vazni 147 kg bo‘lgan amerikalik ayol to‘qqiz yoshli jiyanining ustiga o‘tirib, uni o‘ldirib qo‘ydi

AQShning Florida shtatida to‘qqiz yoshli qiz vafot etdi. Qizchaning o‘limiga uning 147 kilogrammli amakivachchasi uni “jazolash” uchun ustiga o‘tirgani sabab bo‘lgan. Bu haqda “RIA Novosti” xabar berdi.

Qo‘lga olingan 64 yoshli Veronika Grin Pouzining ko‘rsatmalariga ko‘ra, u to‘qqiz yoshli Derika Lendsi uning gapiga kirmagani uchun “jazolash” maqsadida qizchaning ustiga o‘tirgan. Pouzining ota-onasi ham qo‘lga olingan bo‘lib, ular holatga aniqlik kiritgan. Unga ko‘ra, Veronika dastlab qizchani chizg‘ich va metall trubka bilan urgan, qizcha qochib ketmoqchi bo‘lganda, uni tutib olib, ustiga o‘tirgan. Veronikaning politsiyachilarga ma’lum qilishicha, uning vazni 325 funt, yoki 147 kilogrammni tashkil qiladi.

Qo‘lga olinganlardan birining ma’lum qilishicha, Pouzi jiyanining ustida, uning nafas ola olamayotgani haqida shikoyat qilishiga qaramasdan, taxminan 10 daqiqa o‘tirgan. Ayol qizning ustidan yan daqiqa o‘tgach turgan va qizchaning yuragi to‘xtab qolganini bilgan. Ayolga nisbatan qotillik va bola bilan shafqatsiz munosabatda bo‘lish ayblovi e’lon qilingan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!