Alla Pugachyova sobiq erlarini qayerga yashirib qo‘ygani haqida gapirdi

Rossiyalik teleboshlovchi va qiziqchi Maksim Galkin o‘z Instagram’iga rafiqasi Alla Pugachyova va qo‘shiqchi Layma Vaykule ishtirokidagi videoni joyladi, deb yozadi ““7mednews.ru”.

Primadonna mehmonga kelgan dugonasini o‘z “qasri” bo‘ylab ekskursiyaga olib chiqib, sobiq va bo‘lg‘usi turmush o‘rtoqlari haqida gapirib berdi.

Pugachyova kinoya bilan qaysi xonaga qaysi sobiq turmush o‘rtog‘ini qamab qo‘ygani haqida gapira ketdi. Hatto, hazillashib, xonalardan biriga dugonasini ham kiritib yuborishga urindi. Bir eshik oldiga kelganda esa to‘xtab, o‘zini ichkaridagi kimdir bilan gaplashgandek tutdi-da, so‘ng Laymaga yuzlanib, bu bo‘lajak eri ekanligini pisanda qildi.

Rolik muxlislar orasida mashhur bo‘lib ketdi, uni 12 soat ichida 900 ming kishi tomosha qilib, mingdan ortiq izoh qoldirdi.

“Daryo” yangiliklarini Facebook’da kuzatib boring