Toshkent viloyatida Navro‘z kuni ro‘y bergan yong‘in ota-bolaning umriga zomin bo‘ldi

Toshkent viloyatining shu nomli tumanida 21-mart kuni soat 10:00 atrofida Masalboy mahallasida yashagan, 1955-yilda tug‘ilgan A.Isakovning uyida yong‘in sodir bo‘ldi. Bu haqda IIV jamoatchilik va OAV bilan aloqalar boshqarmasi xabar berdi.

Ko‘rilgan choralar natijasida yong‘in o‘chirildi. Ofatni bartaraf etish davomida uy egasi va uning o‘g‘li, 1985-yilda tug‘ilgan J.Isakovning jasadlari topildi.

Yong‘in A.Isakov uyida sigareta chekib uxlab qolishi oqibatida kelib chiqqanligi aniqlandi.