O‘zbekistonda maktabgacha ta’limni rivojlantirish jamg‘armasi tashkil etildi
Maktabgacha ta’limni rivojlantirish jamg‘armasi faoliyatini tashkil etish to‘g‘risidagi Hukumat qarori qabul qilindi. Bu haqda Adliya vazirligi xabar berdi.
Qaror bilan Maktabgacha ta’limni rivojlantirish jamg‘armasi to‘g‘risidagi nizom tasdiqlandi. Nizomga muvofiq, Jamg‘arma mablag‘larini shakllantirish va ulardan foydalanish tartibi belgilab berildi.
Jamg‘arma mablag‘lari:
Jamg‘arma faoliyatini boshqarish va uning mablag‘larini taqsimlash Jamg‘arma kengashi tomonidan amalga oshiriladi.
Vazirlikning Moliyaviy-iqtisodiy rivojlantirishni rejalashtirish boshqarmasi Jamg‘armaning ishchi organi hisoblanadi.
Jamg‘arma mablag‘laridan foydalanish bo‘yicha hisob va hisobotlar Vazirlikning byudjetdan tashqari boshqa mablag‘laridan alohida yuritiladi. Jamg‘armaning joriy yilda foydalanilmay qolgan mablag‘lari keyingi yilga o‘tadi va olib qo‘yilmaydi.
Jamg‘arma mablag‘laridan maqsadli foydalanilishi bo‘yicha nazorat Moliya vazirligining davlat moliyaviy nazorati bosh boshqarmasi tomonidan amalga oshiriladi.
Manba: Daryo.uz