Pogba “Manchester Yunayted” bilan shartnomasini uzaytirmaydi

Fransiyalik yarim himoyachi Manchester klubi bilan yangi shartnoma imzolamaydi, deb yozadi Mirror.

Pogbaning “qizil iblislar” bilan amaldagi shartnomasi 2021-yil yozida yakuniga yetadi.

Avvalroq 26 yoshli futbolchining “Real”ga o‘tishi haqida xabar berilgandi. Pogbaning o‘zi ham ushbu transferga qiziqib qolgandi, biroq u hamon amalga oshganicha yo‘q.

Shunday ekan, Pol 2019/20-yilgi mavsumni “Manchester Yunayted” safida o‘tkazadi. U Angliya Premyer Ligasining dastlabki 4 ta turida, 2 ta golga hammualliflik qilishga ulgurdi.

Ma’lumot uchun, Pogba “Yunayted”ga 2016-yil 106 million yevro evaziga “Yuventus”da o‘tgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!