Davlat statistika qo‘mitasi O‘zbekistonda 9 oy davomida tovarlar va xizmatlar qanchaga qimmatlaganini ma’lum qildi

2019-yil sentabr oyida O‘zbekiston iste’mol bozoridagi o‘rtacha narxlar darajasining oy davomidagi o‘sish sur’ati 1,3 foizni tashkil etdi. Bu haqda Davlat statistika qo‘mitasi ma’lum qildi.

Joriy yil 9 oyi davomida esa iste’mol bozoridagi tovarlar va xizmatlar narxi 9,7 foizga qimmatladi.

2018-yil sentabr oyiga nisbatan respublika iste’mol sektoridagi o‘rtacha narxlar darajasi 16 foizga oshgan.

Mavzuga doir: O‘zbekistonda sentabr oyida tuxum sezilarli darajada qimmatlagani qayd etildi

Taqqoslash uchun, 2018-yilning senatbr oyida tovarlar va xizmatlar oy davomida o‘rtacha 1,8 foizga, 2017-yil sentabr oyiga nisbatan esa 16,2 foizga qimmatlagandi.