Qoraqalpog‘istonda 11 dona baliq ovlagan baliqchi 3,5 mln so‘m jarimaga tortildi
Qoraqalpog‘istonda 11 dona baliq ovlagan baliqchi 3,5 mln so‘m jarimaga tortildi, deb xabar bermoqda Ekologiya va atrof-muhitni muhofaza qilish davlat qo‘mitasi jamoatchilik va OAV bilan ishlash bo‘limi.
Qo‘mita inspektorlari Sho‘manoy tumani hududidan oqib o‘tuvchi suvdan noqonuniy baliq ovlayotgan brakonyerlarni qo‘lga olgan.
Ma’lum bo‘lishicha, fuqaro T.J. 6 dona sazan, 4 dona oq amur hamda 1 dona tolstolobik balig‘ini noqonuniy ovlab, hayvonot olamiga 3 million 568 ming so‘m ziyon yetkazgan. Hozirda to‘plangan hujjatlar Sho‘manoy tumani Ma’muriy ishlar sudiga taqdim qilingan.
Mavzuga doir: Mo‘ynoqda 13 jayronni o‘ldirganlar hayvonot dunyosiga 145 mln so‘m zarar yetkazdi
Avvalroq Mo‘ynoqda 13 jayronni o‘ldirgan brakoyerlar hayvonot dunyosiga 145 mln so‘m zarar yetkazgani haqida xabar berilgandi.
Manba: Daryo.uz