Venesuela muxolifati prezident Maduroga qarshi yangi namoyishlarni boshladi

Venesuela muxolifati prezident Nikolas Maduroga qarshi yangi ko‘cha namoyishlari doirasida mamlakat poytaxti — Karakasdagi yo‘lni yopib qo‘ydi. Bu haqda, Reuters agentligiga tayanib, “Gazeta.ru” xabar berdi.

“Bugun biz Venesuelada uyg‘onishimiz bilan ko‘chalarni to‘sa boshladik”, — deydi muxolifat deputati Migel Pizarro namoyish ishtirokchilari oldida qilgan chiqishida. To‘planganlarning fikricha, so‘nggi hafta Maduro diktaturasining ibtidosiga aylangan.

Avvalroq, Venesuela parlamenti Maduroni davlat to‘ntarishini uyushtirishda ayblagan edi. Parlament vakillarining qayd etishicha, prezidentning parlament va Oliy sudni chetlab o‘tgan holda qarorlar qabul qilishi noma’qul holatdir.

“Daryo”ning Telegram’dagi rasmiy kanali — @toshqindaryo’ga a’zo bo‘ling!