Video: Toshkent—O‘sh avtomobil yo‘lida yuk mashinasi yonib ketdi

Toshkent viloyatining Ohangaron tumani hududidan o‘tuvchi A-373 Toshkent—O‘sh avtomobil yo‘lining 158-kilometrida Mercedes Actors rusumli yuk avtomobili yonib ketgan. Bu haqda Toshkent viloyati IIB YHXB matbuot xizmati “Daryo”ga xabar berdi.

Yo‘l-transport hodisasiga haydovchining yog‘ingarchilik tufayli rul boshqaruvini yo‘qotib, beton to‘siqqa borib urilishi sabab bo‘lgani aytilmoqda. Beton to‘siqqa urilganidan so‘ng yuk avtomobili yonib ketgan. Hodisa oqibatida qurbonlar va jarohatlanganlar yo‘q.

Yuk avtomobili xususiy firmaga tegishli, haydovchi 1988-yilda tug‘ilgan E.K.ning hayoti saqlab qolingan. YTHdan tan jarohati olganlar yo‘q.