Chexiyada bosh vazir Andrey Babishning iste’fosi talab qilindi

Pragadagi ommaviy norozilik namoyishlari davomida Chexiya bosh vaziri Andrey Babishning iste’fosi talab qilindi. Bu haqda “Yevropeyskaya pravda” xabar bermoqda.

16-noyabr, shanba kuni bo‘lib o‘tgan norozilik aksiyasida 200 mingga yaqin kishi ishtirok etdi. Aksiya tashkilotchilari qatnashchilar 300 ming kishi bo‘lganini aytmoqda.

Namoyishchilar talabiga ko‘ra, Babish mamlakat adliya vazirini chaqirib olmasa va o‘zining “Agrofrert” xoldingidan xalos bo‘lmasa, joriy yil 31-dekabrgacha iste’fo berishi kerak. Aks holda bunday aksiyalar yanada keng ko‘lamda davom etadi.