Livanning “yo‘qolib qolgan” sobiq bosh vaziri mamlakatga qaytdi

Livan sobiq bosh vaziri Sa’d Haririy iste’fosi haqida e’lon qilganidan so‘ng bir necha ilk bor mamlakat poytaxti Bayrutga keldi. Bu haqda “Gazeta.ru” xabar bermoqda.

Oldinroq Haririy Livanga mamlakat mustaqilligi kuni — 22-noyabrda qaytishga qaror qilgani bildirilgandi.

Siyosatchi bungacha 21-noyabr, seshanba kuni Misr va Kiprda bo‘lib, ushbu davlatlar rahbarlari bilan mintaqadagi vaziyatni muhokama etishga ulgurdi.

Sa’d Haririy o‘z iste’fosi haqida 4-noyabr kuni, Saudiya Arabistoniga tashrifi davomida e’lon qilgandi. Keyinchalik Ar-Riyod uni zo‘rlik bilan mamlakatda tutib turgani haqida xabarlar tarqaldi, biroq sobiq bosh vazirning o‘zi ularni rad etdi.