Livanning sobiq bosh vaziriga qarshi fitna tayyorlanayotgani ma’lum qilindi

Livanning iste’foga chiqqan bosh vaziri Sa’d Haririyni fitna bilan o‘ldirish rejalashtirilgan edi. Bu haqda, al-Sharq al-Awsat gazetasiga asoslanib, “Interfaks” xabar bermoqda.

Shu bilan birga, mamlakat maxsus xizmatlari vakillari unga qarshi fitna tayyorlangani haqida ma’lumotlar borligini tasdiqlamadi.

Aytilishicha, qotillik tayyorlanayotganidan bosh vazirni chet el razvedkasi xabardor qilgan.

Sa’d Haririy bir necha kun muqaddam ar-Riyodga kelib, u yerda iste’foga chiqqanini ma’lum qildi. Uning so‘zlariga qaraganda, Livandagi hozirgi vaziyat 2005-yildagini eslatmoqda. O‘shanda uning otasi, u paytdagi bosh vazir Rafiq Haririy o‘ldirilgan edi.