Chexiya bosh vaziri hukumat iste’fosi haqidagi qarorni bekor qildi

Chexiya bosh vaziri Boguslav Sobotka mamlakat prezidenti Milosh Zemanga hukumat iste’fosi haqida ariza kiritmaslikka qaror qilganini bildirdi. Bu haqda “Kommersant.ru” xabar bermoqda.

“Bugun men Praga gradiga hukumat tarkibidan bosh vazir o‘rinbosari va moliya vaziri Andrey Babishni chiqarish haqida iltimosnoma yuboraman”, — uning so‘zlarini keltiradi Reuters.

Ilgariroq mamlakat hukumati iste’foga chiqishga tayyorlanayotgani ma’lum qilingan edi. Sobotka Babishni soliq to‘lashdan bo‘yin tovlashda ayblagan edi. Agrofert agroxoldingi egasi bo‘lmish Babish Chexiyadagi ikkinchi eng boy tijoratchi hisoblanadi. Bosh vazirning fikricha, bu uning siyosiy mansabi bilan bog‘liq ravishda manfaatlar ixtilofini keltirib chiqarmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!