Livan rahbari sobiq bosh vazir atrofidagi vaziyatni “mistik” deb baholadi

Livan prezidenti Mishel Aun sobiq bosh vazir Sa’d Xaririy atrofidagi vaziyatni “mistik” sifatida baholadi. Bu haqda, Reuters’ga asoslanib, “Gazeta.ru” xabar bermoqda.

Sa’d Xaririy Saudiya Arabistoniga tashrif buyurgan chog‘da iste’foga chiqishi haqida e’lon qilgan hamda uning joniga suiqasd uyushtirilganini aytgan edi. Reuters manbalariga ko‘ra, u Saudiyada kuch bilan tutib turilibdi.

Livan prezidentining fikricha, Xaririy olib qochib ketilgan va uning yuqoridagi bayonotlari reallikni aks ettirmaydi.

Bundan tashqari, Aun Saudiyadan Xaririy nega Livanga qayta olmayotganini tushuntirishni talab qildi.