O‘zbekistonda Soliq kodeksini yangi tahrirda qabul qilish ko‘zda tutilmoqda

Senat tomonidan “O‘zbekiston Respublikasining Soliq kodeksiga o‘zgartish va ko‘shimchalar kiritish to‘g‘risida”gi qonun ma’qullandi. Bu haqda “Huquqiy axborot” kanali xabar berdi.

Qonun bilan Soliq kodeksini yangi tahrirda qabul qilish nazarda tutilmoqda. Qonunda soliqlarni unifikatsiyalash, o‘xshash soliq solish bazasiga ega soliqlarni birlashtirish orqali ular sonini maqbullashtirish, soliq hisobotlarini kamaytirish va soddalashtirish, operatsiya xarajatlarini kamaytirish ko‘zda tutilgan.

Ma’qullangan qonun Prezident tomonidan imzolanib, belgilangan tartibda e’lon qilingach, rasmiy kuchga ega bo‘ladi.