Rossiya koronavirusni atrofdagilar uchun xavf tug‘diruvchi kasalliklar ro‘yxatiga kiritdi

Rossiya hukumati qaroriga muvofiq, yangi 2019-nCoV koronavirusi atrofdagilar uchun xavf tug‘diruvchi kasalliklar qatoriga kiritildi. Bu haqda Meduza xabar bermoqda.

Oldinroq mazkur ro‘yxatda 15 ta kasallik, jumladan, OITS, gepatit B va C, difteriya, sil, Sibir kuydirgisi, vabo, o‘lat va boshqalar bo‘lgan.

Rossiyada xavf tug‘diruvchi kasalliklar ro‘yxati 2004-yilda tasdiqlangandi. Bu epidemiyaga qarshi tadbirlar moliyalashtirilishini tashkillash uchun zarur ekanligi aytiladi.

Mavzuga doir: Xitoydan kelgan O‘zbekiston fuqarolari 14 kun muddatga tibbiy nazoratga olinmoqda