Xitoyda koronavirus tarqalganini yashirishga uringan mansabdorlar qidirilmoqda

Xitoyda koronavirus ilk bor aniqlanganda u haqda yashirib kasallik tarqalishiga sabab bo‘lgan mansabdorlar qidirilmoqda. Bu haqda Reuters xabar berdi.

Xitoy Kommunistik partiyasi markaziy komissiyasi Xubey provinsiyasi rasmiylari epidemiya tarqalishiga ko‘z yumgan bo‘lishi mumkinligini gumon qilmoqda. Jumladan, ular koronavirus haqida ma’lumot tarqatgan shifokor Li Venlyanning ogohlantirishlarini e’tiborsiz qoldirgan.

Ma’lum bo‘lishicha, bugun, 7-fevral kuni olamdan o‘tgan shifokor va uning 7 nafar hamkasbi mahalliy politsiya bo‘limiga chaqirtirilgan va tanbeh berilgan. Shuningdek, ulardan virus haqida boshqa ma’lumot tarqatmaslik to‘g‘risida majbury yozma xat olingan.

Mavzuga doir: Xitoyda koronavirus haqida ogohlantirgan shifokor vafot etdi