“Toshshahartransxizmat” Isuzu va Captiva ishtirokidagi YTH haqida ma’lumot berdi

“Toshshahartransxizmat” AJ 7-fevral kuni soat 17:45 atrofida poytaxtning Sergeli tumanidagi chorrahada avtobus va Captiva ishtirokida yuz bergan yo‘l transport hodisasining tafsilotlarini oshkor etdi.

Ma’lumotlarga ko‘ra, 12-avtobus saroyi tasarrufidagi 117-yo‘nalishda qatnovchi Isuzu rusumidagi avtobus o‘z yo‘nalishi bo‘yicha birinchi darajali yo‘l – Nilufar ko‘chasi bo‘ylab harakatlanayotgan vaqtda ikkinchi darajali yo‘l, ya’ni Nilufar 3-tor ko‘chasidan kelayotgan Captiva avtobusning chap orqa qismiga kelib urilgan va uni ag‘darib yuborgan. YTH tufayli ikki nafar yo‘lovchi yengil jarohat olgan va ularga tez tibbiy yordam ko‘rsatilgan.

Hodisa yuzasidan YHXB tomonidan tergov-surishtiruv ishlari olib borilmoqda.

Mavzuga doir: