Butun dunyo bo‘ylab koronavirus bilan kasallanganlar soni 850 ming kishidan oshdi

Virus tarqalishini real vaqt rejimida kuzatib boruvchi Jons Hopkins universiteti ma’lumotlariga ko‘ra, butun dunyo bo‘ylab COVID-19 koronavirusi bilan kasallanganlar soni 859 mingdan, vafot etganlar esa 42,3 ming kishidan oshib ketdi.

Jahon sog‘liqni saqlash tashkiloti esa koronavirus bilan kasallanganlar sonini 750 mingdan oshdi, deya bermoqda. Tashkilot hisob-kitoblariga ko‘ra, dunyo bo‘ylab virus oqibatida vafot etganlar soni 36 mingga yetgan.

Kasallar soni bo‘yicha AQSh — birinchi (qariyb 190 ming), Italiya— ikkinchi o‘rinda (105 ming bemor) ketmoqda. Ulardan keyin 95 ming nafar koronavirusga chalinganlar bilan Ispaniya o‘rin olgan.

Mavzuga doir: 

O‘zbekistonda esa koronavirus bilan kasallanganlar soni 173 kishiga yetdi. Virus mamlakatga kirib kelganidan beri ikki kishi bu kasallik oqibatida vafot etgan.