Shavkat Mirziyoyev yaqin vaqt ichida koronavirusga qarshi kurash bo‘yicha xitoylik mutaxassislar O‘zbekistonga kelishini ma’lum qildi

Prezident Shavkat Mirziyoyev 3-aprel, juma kuni, koronavirus tarqalishi va uning oqibatlariga qarshi kurash masalalari bo‘yicha videoselektor yig‘ilishi o‘tkazdi.

Yig‘ilishda davlat rahbari O‘zbekistonda koronavirusga qarshi kurash doirasida diagnostika, davolash, karantin ishlari Jahon sog‘liqni saqlash tashkiloti tavsiyalari hamda ilg‘or xorijiy tajribalarga tayanib, amalga oshirilayotganini ta’kidladi.

“Shuningdek, Janubiy Koreyadan malakali shifokorlar kelib, o‘z tajribalari bilan bemorlarni davolashda qatnashmoqda. Yaqin kunlarda bir guruh xitoylik mutaxassislar ham yetib kelishi kutilmoqda”, — dedi Prezident.

Mavzuga doir: Shavkat Mirziyoyev koronavirusga qarshi kurashda intizom, sabr-toqat va mas’uliyat ko‘rsatishni so‘rab, xalqqa murojaat qildi