Mediapro rahbari: “Barselona” Neymarni qo‘lga kirita olmaydi, bu imkonsiz ish

Mediapro telekompaniyasi rahbari Xaume Roures “Barselona”ning PSJ hujumchisi Neymarni sotib olish imkoniyati haqida gapirdi.

“Inqiroz o‘z navbatida televizion shartnomalarga ham ta’sir qiladi. Shu sabab 100 million yevrolik transferlar tarixda qoladi.

Birinchidan, klublarda buncha miqdordagi pul bo‘lmaydi, ikkinchidan, banklar kreditlarni oldingidek shunchaki berib yubormaydi.

Jamiyat nuqtayi nazaridan qaraganda, bu qoniqarli vaziyat. Futbolchilarga 140—160 million yevro to‘lanishi menga yoqmaydi.

Hozir “Barselona”da Neymarni qo‘lga kiritish imkoniyati yo‘q. Bu haqiqatdan yiroq”, — deydi Roures.

Mavzuga doir: Neymarmi yoki Lautaro? “Barselona” bosh murabbiyi javob berdi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!