Qamchiq dovonida yuk mashinasi yonib ketdi

30-aprel kuni soat 00:50 larda Guliston—Bo‘ka—Angren–Qo‘qon—Andijon orqali—O‘sh avtomobil yo‘lida harakatlanib ketayotgan yuk mashinasida yong‘in chiqdi. Bu haqda FVV matbuot xizmati xabar berdi.

Ma’lumotlarga ko‘ra, Volvo rusumli yuk mashinasining kabina qismidagi yong‘in elektr simlarining qisqa tutashuvi oqibatida yuzaga kelgan.

Qamchiq Maxsus qidiruv, yong‘in-qutqaruv boshqarmasining qutqaruvchilari hodisa joyiga tezkorlik bilan yetib kelib, yong‘inni o‘chirishga muvaffaq bo‘lgan.

Ta’kidlanishicha, yong‘in oqibatida yuk mashinasi haydovchisiga hech qanday jarohat yetmagan.

Avvalroq Chilonzorda texnik nosozlik sababli Damas yonib ketgani haqida xabar berilgandi.

Mavzuga doir: