Yunusoboddagi “avtobus poygalari” oqibatlari, Migratsiya agentligining bo‘shatilgan rahbari, qo‘mita raisligidan tuman hokimligiga va kunning boshqa muhim xabarlari

18-aprelning e’tiborga molik yangiliklari — “Daryo”ning kechki dayjestida.

1. Tashqi mehnat migratsiyasi masalalari agentligi rahbari Ulug‘bek Nazarov ishdan bo‘shatildi. Migratsiya agentligi o‘tkazgan Janubiy Koreyada ishlash istagidagi fuqarolarni ro‘yxatga olish natijalari bekor qilindi.

2. O‘zbekiston Davlat raqobat qo‘mitasi boshqa nom va vazifalar bilan qayta tashkil etildi. Yangi qo‘mitaning to‘liq nomi — O‘zbekiston Xususiylashtirilgan korxonalarga ko‘maklashish va raqobatni rivojlantirish davlat qo‘mitasi.

3. Tabiatni muhofaza qilish qo‘mitasi raisi Yunusobod tumaniga hokim etib tayinlandi. Tuman hokimi mart oyi oxirida lavozimidan ozod etilgan edi.

4. Raqobat qo‘mitasi raisi Davron Hidoyatov Chilonzor tumaniga hokim etib tayinlandi. Tumanning avvalgi hokimi O‘zbekiston Prezidentining 12-apreldagi tashrifidan so‘ng ishdan ketgan.

5. Yunusobodda “poyga o‘ynagan” Mercedes avtobuslari bir-biri bilan to‘qnashdi. To‘qnashuv 60- va 72-yo‘nalishlarda harakatlanuvchi avtobuslar o‘rtasida yuz bergani aytilmoqda.

Bonusiga — Intizomsiz rahbarlarga yangicha jazo (yoki ishonchni oqlash uchun yana bir imkoniyat)

“Daryo”ning Telegram’dagi rasmiy kanali — @toshqindaryo’ga a’zo bo‘ling!