Amerikaliklarning uchdan ikki qismi AQSh Suriyadagi harbiy aerodromga zarba berganini qo‘llab-quvvatladi

Amerikaliklarning uchdan ikki qismi (66 foiz) AQSh tomonidan Suriyadagi harbiy aerodromga zarba berilganini qo‘llab-quvvatlaydi. Harvard-Harris Poll xizmati tomonidan o‘tkazilgan so‘rov natijalari shundan dalolat bermoqda, deya ma’lum qiladi “TASS”. 

So‘rov natijalariga ko‘ra, amerikaliklarning 41 foizi 59 ta Tomahawk raketasi qo‘llanganini yetarlicha zarba deb hisoblaydi. 26 foizi esa zarbalar zarur darajada kuchli bo‘lmaganini bildirmoqda. 

Ayni paytda, so‘ralganlarning 55 foizi AQSh Shimoliy Koreyaga nisbatan shunday yo‘l tutishiga qarshi chiqdi. “Daryo”ning Telegram’dagi rasmiy kanali — @toshqindaryo’ga a’zo bo‘ling!