O‘zbekiston delegatsiyasi Xalqaro elektraloqa ittifoqi bosh kotibi bilan muzokaralar o‘tkazdi

Axborot texnologiyalari va kommunikatsiyalarini rivojlantirish vaziri vazifasini bajaruvchi Sherzod Shermatov boshchiligidagi O‘zbekiston delegatsiyasi Xalqaro elektraloqa ittifoqi bosh kotibi Xoulin Chjao bilan uchrashuv o‘tkazdi, deya xabar bermoqda UzDaily. Uchrashuv O‘zbekiston delegatsiyasining Minskka tashrifi doirasida bo‘lib o‘tdi.

Uchrashuvda O‘zbekiston Respublikasining Xalqaro elektraloqa ittifoqi bilan bundan keyingi hamkorligi masalalari muhokama qilindi. Xususan, tomonlar O‘zbekistonning AKT rivojlanishi bo‘yicha xalqaro reytingdagi o‘rnini oshirish, mutaxassislar malakasini oshirish borasida fikr almashdi.

Xoulin Chjao O‘zbekistonda 2017-yil sentabrda bo‘lib o‘tadigan AKT Haftaligi tadbirlarida ishtirok etish uchun taklif qilindi.